Nosebleed Chronicle: Public Apology

Mahal naming Santino at Tsupaeng,

Dalangin namin, habang binabasa ninyo itong munting liham ay ligtas kang naglalayag Santino sa mga bansang hindi pa naabot ni Tsupaeng na kanyang pinapantasyang marating.

Ang liham na ito ay ang paghingi namin ng paumanhin sa napakalaking kasalanang aming nagawa (mga engkanto) sa pagbabalewala ng inyong presensya ngayong darating na Christmas party. Bagamat sa kaso ni Tsupaeng na inuuna ang “fafah” bago ang engkantadya ay justifiable lamang kung bakit nakalimutan ka ng mga engkanto sa monito-monito. Dahil dito, ang paghingi namin ng paumanhin sayoTsupaeng ay may kasamang pambuburaot dahil sa yong di pagpaparamdam tuwing may tagayan. Minsan ka nga lang sumama sa tagayan….may kasama ka pang “durog” na halos ikatulala ng mga engkanto. Eh pano ba naman, nagkwento nang nagkwento ang kasama mo ng buhay ng manikang si Barbi at ang kanyang lovelife daw. Ayan tuloy, shocked ang mga kutong lupa, di makapagsalita, dugo ang mga ilong. Ang nag-enjoy lang yata ay si Papa Joms na talagang na-“educate” sa latest life ni manikang barbi, hahahahahaha.

Sa kaso mo naman mahal naming santino, kahit ikaw ay “naglalayag” ay ramdam namin ang iyong presensya dito sa blogosphere. Walang araw na hindi ka nagparamdam at nagpahiwatig. Kung kaya’t, kahit nasa malayo ka, para ka na rin naming kapiling.

Kagabi, kasama ko ang Dyosa sa gym. Matapos nyang pagsawaan ng tingin ang mga gwapong twinks na nagbubuhat, inumpog nya ang kanyang ulo sa wall… sabay sabing… “malaki pala ang kasalanan natin kay Mahrk”. Ang sagot ko naman,,,, ”ikaw lang Dadi, kasi ikaw ang pinuno noh?” Hugas ako ng kamay, hehehe. Pero dahil nga sa isa ako sa promotor ng monito-monito ay nakukunsensya din ako sa mga pangyayari, muntik ko na ring ang i-umpog ang aking “ulo” sa twink na bakat na bakat ang kanyang “ulo” sa kanyang jersey shorts, heheheh.

Hayaan mong ipaliwanag namin mahal na santino ang dahilan kung bakit hindi ka namin isinama sa monito-monito. Unang-una, wala ka sa Pilipinas. Sino ang magbubunot para sayo? At paano mo ipapadala ang gift mo? Pangalawa, hindi ka rin naman makakarating sa Xmas Party.

Pasensya ka na kung naging bobo kami ng Dyosa. Pwede nga palang ako ang bumunot para sayo, at pwede nga palang ipadala mo ang gift mo. Nanghihinayang tuloy ang kuripot na si Bloiggster. Oo nga naman kung nabunot mo sya, siguro kahit lahat ng series ng Harry Potter pwede mong iregalo sa kanya.

Sobrang ipinagdaramdam ng Dyosa ang aming naging kapalpakan. Gusto na nya tuloy mag-voluntary crown dethronement. Sabi ko wag ! Mapapariwara ang mga engkanto kapag si Tsupaeng ang namuno, hahahahaha.

Naiintindihan ko rin kung bakit halos 30 mins mo akong sinumbatan sa phone. Nanghihinayang din ako sa dolyares na ginastos mo para lang sumbatan ako. Pero at least na-realize ko ang aming pagkakamali.

Ang paghingi namin ng tawad ay bukal saming damdamin. Bagama’t may pagka-comedy ito, iniiwasan namin ang maging sobrang seryoso kasi nga baka sa mental kami pulutin, alam mo na.
Umaasa kaming maihahandog mo ang iyong kapatawaran ngayong pasko. Hinihintay po kasi namin ang mamahaling alak na ibibigay mo. Bitin po kami sa isa, gawin mo na sanang dalawa.
Maraming salamat po santino .

At sa yo Tsupaeng, patawad din. (Roll eyes ang mga lamanlupa.. Oi deserved nya rin ang sorry noh? Kahit dedma na nya tayo)

Ang karugtong ng inyong ugat at litid,
PRINSESA

NOTED BY: DYOSA

Signed by:
Dyosa
Amasona
Diwata ng mga Diwata
Diwata ng Hangin
Diwata ng Apoy
Diwata ngTubig
Diwata ng Lupa
PGR (Pato Gandang Reyna)
Alitaptap
Kondesa
Dukesa
Prinsesa
Popoy

(Signature in hard copy to be expedited upon request)